גלוסטענישט

יעדע גלוסט און שפיר

פון פוסט, אין מיר

נעם ארויס און ווייז

אז

דו ביסט מיט מיר

כהאב געוויסט פון פריער

אז ס׳פליסט פון דיר

ליבע פיל

בלי גבול

אומזיסט אנע שיעור

אין געדיכט שוין שיין

דיין ליכט אריין

עס זאל באגיסן

און באזיסן

די פליכטן מיין

די שיכטן פיין

זאל פארציכטן דיין

ווייטאג פון

דיין זוהן

ביי די געריכטן דאן

יעדע שטיין אין וועג

יעדע ניין, איך פרעג

צי קען

איך דען

זיי פארשטיין איך מעג

איז די גיין אין געיעג

אליין אין געשלעג

כאטש געבליבן

פארשריבן

בייצושטיין אויף יענע טעג

די קעלט שטערט

פארשטעלט, פארשווערט

פארלירן ציהל

און געפיל

וואס קוועלט, באגערט

זאל די וועלט פון ערד

געלט און ווערד

דינען פאר

פיל שכר

אין מיין געצעלט, באשערט