אמת ס׳שנייט?

ס'איז א פינטל

א פיצעלע פינטל

א ברעקל

פון ריינע, בלויזע

אמת

אמת - און 'זיך'

דאן -

איז א שיכט

א שיכט חשבונות

א דעקע רצונות

מחשבות

און נגיעות

און דערויף -

א פעקל דאגות

פעקלעך געוויסן

און געוויסן-ביסן

פעקלעך פון נעכטן

באלד און מארגן

שיכטן פחדים

מסקנות און זארגן

און דאן -

פאלט א ברעקעלע

א ווייסע, פשוט'ע

תמימות'דיגע

שנייעלע

אזוי ארגינעל

אזוי אמת

גארנישט, מיט גארנישט

בלויז

ריין און פשוט

פשוט, אמת

מיט א הייזעלע,

פארע, רויעך

א פייגעלע און וועווערקע

און איך.

ארגינעל. ווי אמאל, ווי שיין.

ס'איז אמת, און ס'איז שיין.

און ס'שניי.