איינ׳שטיין

א שטיין קען צוגיין

פון פיין, געוויין

די הארץ שטיין,

די קאפ שטיין

צי קען א שטיין צוגיין?

טרוקן און הארט

ווי שטיין פארשפארט

ווייטאגט, פארצערט

גארט און ווארט

וועט מיין שטיין צוגיין?

ריזן אומגעהויער

שטיינער ווי מויער

צי דען אונטערן טויער

רינט אונטער טרויער

און די שטיין וועט צוגיין?

פון דארשט געשרימפן

אין טרוקעניש, זומפן

געלעכערטע שטיין

קיין לעק וואסער ניין

הלואי שטיין, קען צוגיין

וועגן פול מיט שטיין

איינער אליין

פאלן, גיין

א שטיין נאך א שטיין

קען שטיין צוגיין?

אין לעבן שטיין

האקן שטיין

אין צירקלען גיין

קייען שטיין

וויאזוי קען שטיין צוגיין?

פון מיין פעלזן שטיין

וועט אט גיין

וואסער ריין

אן שלאגן ניין

די שטיין וועט צוגיין

ההופכי צור אגם

מים, מיט טעם

די שטיינער מיין

אסאך צי איין

וועט פשוט צוגיין!