א מבול

א‭ ‬מבול‭ ‬פון‭ ‬גוטס

שוואוילטאג‭ ‬קויפער

מבית‭ ‬ובחוץ

פול‭, ‬מיט‭ ‬כופר

אפן‭ ‬ביזן‭ ‬תהום

פארשוועמט‭ ‬מאראל

חוקי‭ ‬סדום

די‭ ‬נייע‭ ‬נארמאל

פלינדערן‭ ‬יענעם

די‭ ‬צווייטע‭ ‬האלב‭ ‬גלעזל

א‭ ‬לעבעדיגע‭ ‬גיהנום

פון‭ ‬טויט‭ ‬און‭ ‬גזל

א‭ ‬שטראם‭ ‬פארשוועמט

‭ ‬כוואליעס‭ ‬אומעטום

צופיצלט‭ ‬און‭ ‬צונעמט

יעדע‭ ‬אינטש‭ ‬יקום

פארע‭ ‬און‭ ‬היצן

צום‭ ‬טויט‭ ‬שטיקט‭ ‬

כלו‭ ‬כל‭ ‬הקיצין

אינטעליגענציע‭ ‬צופליקט

הייבן‭ ‬זיך‭ ‬די‭ ‬וואסערן

צו‭ ‬סכנהדיגע‭ ‬שטאפלען

פלאסטיק‭ ‬שנעל‭ ‬אסרן

ווי‭ ‬ליבערשט‭ ‬צאפלען

צוגאנגען‭ ‬אנושית

פארברענט‭ ‬איר‭ ‬מהות

פארוואסערט‭ ‬די‭ ‬בושות

אין‭ ‬צונאמי'ס‭ ‬פון‭ ‬שטות

א‭ ‬מסורה‭ ‬מקובל

אז‭ ‬מסורה‭ ‬איז‭ ‬פאנאטיש

שיין‭ ‬איז‭ ‬יעדע‭ ‬איבל

קלוג‭ ‬איז‭ ‬אויטאמאטיש

אין‭ ‬דור‭ ‬המבול

שווימען‭ ‬מיר‭ ‬אקארשט

וואסער‭ ‬א‭ ‬מבול

פארט‭ ‬א‭ ‬דארשט

לא‭ ‬צמא‭ ‬למים

איבערגענוג‭ ‬מים‭ ‬זדונים

בענקען‭ ‬צו‭ ‬שמים

די‭ ‬מים‭ ‬התחתונים

א‭ ‬רעגנבויגן

פון‭ ‬קאלירן‭ ‬און‭ ‬רויעך

בלינצן‭ ‬פאר‭ ‬די‭ ‬אויגן

פארטעמען‭ ‬די‭ ‬מוח

א‭ ‬שטיבעלע‭ ‬פון‭ ‬האלץ

בוי‭ ‬אויף‭ ‬מיט‭ ‬כח

דיין‭ ‬אידישע‭ ‬שטאלץ

איז‭ ‬א‭ ‬תיבת‭ ‬נח